Krismas leh Kumthar a hnai- No Tolerance Drive kalpui dawn

by News Editor

Tualchhung News

ZORAM TODAY| 18th November, 2025: Vawiin khan SP, Traffic chuan mipuite hriattur ti chhuakin, December ni 1, 2025 aṭangin ‘No Tolerance Drive/ Checking’ an kalpui dawn tih a sawi.

Krismas dawna khêl lova tlangsam leh tlaizawng a pâr ṭhin ang deuhin, ‘No Tolerance Drive’ sawi rik tawh chuan, ‘Krismas a hnai’, tih a ni ṭhin!

Traffic SP chuan, kum 2025 Krismas leh Kumthar 2026; mitinin dam leh himtlang taka kan hman theih nan Aizawl khawpui chhung hmun hrang hrangah ni 1.12.2025 (Thawhtanni) atangin Aizawl Traffic Police chuan Lirthei kaihhnawih Dan bawhchhiatna leh danin a phut lirthei document hrang hrangte endik in 'No Tolerance Drive/Checking' a kalpui dawn a. Lirthei khalhtu/neitu zawng zawngte tha taka dan zawm a, lo inhmakhua theuh turin kan inngen, a ti.

He hunah hian exhaust (silencer) ri ring leh Company-in a vuah sa ni lo, midang tana harsata siam khawpa eng; head light leh light dang hmangte endik a ni bawk ang, tiin an tarlang.

(File Pic)